Богд банкны хувьцаа эзэмшигч нарт мэдээлэл хүргэх нь
Банкны тухай хуулийн 36 дугаар зүйлийн 36.1-д заасан шаардлагыг хангах зорилтын хүрээнд Богд банкны хувьцаа эзэмшигчдийн ээлжит бус хурал 2025 оны 08-р сарын 19-ний өдөр цахимаар зохион байгуулагдсан.
Тус хуралд саналын эрх бүхий нийт хувьцаа эзэмшигчдийн 85,6% нь оролцсон бөгөөд хуралд оролцсон хувьцаа эзэмшигчдийн 100%-н саналаар компанийн 10,000 ширхэг энгийн хувьцааг ижил төрлийн нэг ширхэг хувьцаанд хөрвүүлэх замаар нэгтгэх /10,000:1/, хувьцааг нэгтгэсэнтэй холбогдуулан компанийн дүрэмд нэмэлт, өөрчлөлт оруулах асуудлыг дэмжиж шийдвэрлэсэн.
Хувьцааны бүтцийн өөрчлөлтийг хүснэгтээр харуулав.
| ОДОО БАЙГАА | |
|---|---|
| Хувь нийлүүлсэн хөрөнгө | 100,000,000,000 төгрөг |
| Нийт гаргасан хувьцаа | 1,250,000,000 ширхэг |
| Нэгж хувьцааны нэрлэсэн үнэ | 80 төгрөг |
| Хувьцаа нэгтгэх тооцоо | 10,000=1 |
|---|
| ХУВЬЦАА НЭГТГЭСНИЙ ДАРАА | |
|---|---|
| Хувь нийлүүлсэн хөрөнгө | 100,000,000,000 төгрөг |
| Нийт гаргасан хувьцаа | 125,000 ширхэг |
| Нэгж хувьцааны нэрлэсэн үнэ | 800,000 төгрөг |
Хувьцаа нэгтгэх шийдвэрийг Монголбанкнаас баталгаажуулсны дараа 10,000 ширхгээс бага хэмжээний хувьцаа эзэмшиж буй бутархай хувьцаа эзэмшигчдийн хувьцааны төлбөрийг Үнэт цаасны төвлөрсөн хадгаламжийн төвөөр дамжуулан хувьцаа эзэмшигчдийн нэрийн дансанд байршуулна.
Хувьцаа нэгтгэх үйл ажиллагаатай холбогдуулан хувьцаа эзэмшигчдийн зүгээс Үнэт цаасны төвлөрсөн хадгаламжийн төвд хувьцааг нэгтгэх бүртгэл хийгдэхээс өмнө хаалттай хүрээнд арилжаа хийх замаар бутархай хувьцааны тоог нэмэгдүүлэн бүхэл хувьцаа болгох эрх нь нээлттэй болно.
Нэгж хувьцааны төлбөрийг хөндлөгийн үнэлгээний компанийн дүгнэлтийн дагуу 150 төгрөгөөр тооцсон болно.
